U OŠ „Dušan Bojović“ u Župi Nikšićkoj upriličena je svečanost na kojoj su uručene diplome „Luča“. Direktorica mr Vesna Mijušković pozdravila je prisutne, čestitala lučonašama i poželjela im uspjeh u daljem školovanju i životu. Ona se osvrnula i na rad škole i zahvalila donatorima.donatori za ovaj poseban dan su: Rubeža D.O.O., Ramel, Veletex, Rapax, Sava osiguranje, Abacus computing, Rudkop D.O.O., Gradnja inženjering, Milović company, Crveni krst, gospodin Neško Tomić i gospodin Aresenije Bato Šundić.
Diplomu „Luča“ dobili su: Žana Radulović, Milica Ćipranić, Milica Mandić, Gorana Mušikić i Jovana Jaredić. Oni su uz diplome, dobili i knjige i vrijedne novčane nagrade, čiji su pokorvitelji bili MZ Župa, Milisav Ćipranić i CKB. MZ Župa uručila je poklon i učiteljici Danki Delibašić koja je pet godina učila svih pet lučonoša u PU Liverovići.
Svečanost je uveličana prigodnim programom učenika. Smjenjivale su se pjesme, recitacije, ples i folklor.
Lj. V.
