U Plavu je u subotu održan prvi put međuopštinski šahovski turnir u ubrzanom šahu za učenike osnovnih škola u organizaciji Opštine Plav, tamošnjeg Centra za kulturu „Husein Bašić“, OŠ „Hajro Šahmanović“, ŠK „Plavsko jezero“, te OŠ „Džafer Nikočević“ iz Gusinja i OŠ „Petar Dedović“ iz Murine. Učestvovali su učenici od trećeg do devetog razreda iz OŠ „Hajro Šahmanović“ u Plavu, OŠ „Džafer Nikočević“ u Gusinju i OŠ „Petar Dedović“ u Murini.
Nadtetanje je bilo u tri kategorije: djevojčice, dječaci do 12 godina i dječaci do 14 godina. Turnir se igrao po švajcarskom sistemu od 5 kola, tempo igre je 30 minuta po igraču. Po tri najbolje plasirana učenika u svojim kategorijama su dobili medalje. Titulu pobjednice za djevojčice je ponijela Medina Luković iz OŠ „Hajro Šahmanović“, drugo mjesto je pripalo učenici iz OŠ „Petar Dedović“ Tijani Garčević a treće mjesto je osvojila Dalila Palavrtić iz OŠ „Hajro Šahmanović“. Za kategoriju učenika do 12 godina prvo mjesto osvojio je Faris Markišić iz OŠ „Hajro Šahmanović“, drugoplasirani je Nemanja Zogović iz OŠ „Petar Dedović“, a trećem mjestu je Kelmed Kukiq iz OŠ „Dafer Nikočević“. Titulu najboljeg do 14 godina osvojio je Mladen Jovović iz OŠ „Džafer Nikočević“, drugo mjesto pripalo je Nikoli Lutovcu iz OŠ „Petar Dedović“, a treće mjesto osvojio je Alban Ulaj iz OŠ „Džafer Nikočević“.
Najmlađi učesnik turnira, osmogodišnji Milija Milačić iz OŠ „Petar Dedović“ pokazao je zavidno znanje i ravnopravno se borio sa starijim učenicima.
Glavni sudija turnira je bio šahovski sudija Safet Kojić.
O. Đ.