Djeca iz cetinjske JPU „Zagorka Ivanović“ posjetila su Dnevni centar za stare i proveli ugodno vrijeme u toploj i prijatnoj atmosferi.
Uz muziku, druženje i osmijehe mališani su igrali društvene igre poput „Ne ljuti se, čovječe“, šaha i pikada, a rado su i crtali sa ljubaznim domaćinima.
„Dočekani smo uz veliku ljubaznost i lijepo posluženje, na čemu smo veoma zahvalni. Ovakvi susreti donose radost i djeci i starijima, a mi se već radujemo nekom novom druženju i ponovnom susretu“, kazali su iz JPU.
U aktivnosti je učestvovala srednja grupa, predvođena vaspitačicama Suzanom i Anom.
N. N.



